Vesel Limaj është përforcimi i radhës i Ballkanit.

Kampioni në fuqi i Kosovës ka njoftuar sot për arritjen e marrëveshjes me mesfushorin, shkruan Gazeta Projekti.

26-vjeçari në sezonin e fundit ishte pjesë e skuadrës nga Superliga e Rumanisë, Hermannstadt.

Ai më herët ka luajtur edhe te Tirana, Kukësi dhe Bylysi në Shqipëri.

Limaj ka qenë pjesë edhe e skuadrës austriake, Horn, si dhe pjesë e të rinjve te klubet gjermane; Hamburg, Energie Cottbus, TeBe Berlin dhe BFC Dynamo.

Njoftimi i plotë nga FC Ballkani (pa ndërhyrje):

“Edhe një kampion i bashkohet shtëpisë së kampionëve

Kemi kënaqësinë që t’u bëjmë me dije se mesfusha jonë është përforcuar me Vesel Limaj, kampion me Tiranën në Superioren e Shqipërisë e fitues i Superkupës, si dhe triumfues me Kukësin në Kupën e Shqipërisë.

Limaj vjen në Suharekë nga Rumania, ku mbrojti ngjyrat e FC Hermannstadt.

Mirë se vjen në shtëpinë tuaj Vesel Limaj”.