Anëtari i Lidhjes Demokratike të Kosovës, Bajram Gecaj thotë se operacioni “Shigjeta” u organizua nga FARKU.
Gecaj thotë se tentimet për ndryshim të kësaj pjese të historisë janë të pandershme.
“Beteja e Koshares ishte planifikuar dhe organizuar në mënyrë profesionale nga ana e Forcave të Armatosura të Republikës së Kosovës (FARK)”, shkruan Gecaj në Facebook.
”Çdo tentim për përvetësim, mohim apo shtrembërim të kësaj historie është i pandershëm. Ata që ndërruan anë, u qoftë rruga e mbarë!”, thotë ai.
Beteja e Koshares, më 9 prill të vitit 1999, shënon thyerjen e kufirit mes Kosovës e Shqipërisë.
