Nënkryetari i Aleancës Kosova e Re, Agim Bahtiri në një prononcim për Telegrafin tha se nuk ka arsye të shkarkohet ministri i Punëve të Brendshme, Flamur Sefaj.
Bahtiri tha se nëse një gjë e tillë ndodh atëherë kjo është me kërkesë të Listës serbe.
“Nëse Sefaj shkarkohet atëherë ne si AKR do të ulemi dhe do të marrim vendime”, tha Bahtiri.
Sipas tij, arrestimi i Gjuriqit ishte vendim kryekëput legjitim dhe në bazë të Kushtetutës së Republikës së Kosovës.
Duke folur për rastin e arrestimeve të shtetasve turq, nënkryetari i AKR-së tha se ministri Sefaj nuk është fare i involvuar. “Nëse do bëhet një shkarkim i tillë është një vendim i turpshëm”, tha ai.
