Genc Prelvukaj, i njohur për kontributin e tij të vyer si artist dhe historian, është një nga kandidatët më serioz për të fituar një ulëse në Kuvendin e Kosovës, shkruan “Gazeta Projekti”.
Ai është renditur me numrin 40 në listën e PDK-së, duke fituar vëmendjen e opinionit publik për qasjen e tij të balancuar mes artit dhe politikës.
Prelvukaj, i cili për dekada ka qenë një figurë e respektuar në fushën e muzikës dhe historisë, ka treguar një angazhim të veçantë në promovimin e kulturës shqiptare dhe mbrojtjen e trashëgimisë kombëtare.
Tani, me vizionin e tij për të kontribuar në një mënyrë më të gjerë, ai kërkon të sjellë ndryshime pozitive edhe në arenën politike.
“Politika nuk duhet të jetë vetëm për të zgjidhur problemet e përditshme, por edhe për të ndërtuar një të ardhme më të mirë për gjeneratat e reja,” ka deklaruar Prelvukaj në një intervistë për portalin online “Gazeta Projekti”.
Me një program që përqendrohet në zhvillimin kulturor, edukimin dhe përmirësimin e jetës së qytetarëve, Genc Prelvukaj synon të fitojë mbështetjen e zgjedhësve duke ofruar alternativa konkrete dhe të qarta.
Numri 40 në listë mund të jetë simbolik, por për shumë nga mbështetësit e tij, ai përfaqëson një pikë kthese për politikën e Kosovës, duke sjellë një përzierje të unike të përvojës artistike dhe një këndvështrimi historik në zgjidhjen e sfidave bashkëkohore.
