Ismet Osmani (Curri) dhe bashkëpunëtorët e tij janë duke qëndruar në objektin e Gjykatës Themelore në Prishtinë.
Bashkë me Ilir Bojkun, Rrahim Hashimin, Mentor Maqani, Adil Thaçin e disa të tjerë Curri po merret në pyetje nga gjyqësia.
I kontaktuar nga Indeksonline avokati i Ismet Osmani (Curri), Alban Arifi ka deklaruar se seanca është duke vazhduar.
I njëjti madje është deklaruar se shpreson që klienti i tij i njohur si ‘Curri’ do të lirohet.
“Në seancë jemi ende, presim lirimin”, tha shkurt Arifi.
Ndryshe duhet përkujtuar që mëngjesin e djeshëm Policia e Kosovës ka realizuar një aksion të gjerë ku u disa persona të dyshuar për fajde dhe detyrim.
Aksioni u realizua në lagjen Marigona ku u arrestuan disa nga të dyshuarit, e Rrahim Hashimi u arrestua më vonë në komunën e Vushtrrisë.
Gjithsej persona të arrestuar nën dyshimin për fajde dhe detyrim janë shtatë persona, kurse dy të tjerë vazhdojnë të jenë në arrati: Zekë Jasiqi dhe Ekrem Lika.
Prokuroria tashmë ka ngritur aktakuzën ku tregohet qartë se si të njëjtit kishin detyruar persona të ndryshëm që t’u jepnin prona e para të shumta.
