Kandidati i Aleancës për Ardhmërinë e Kosovës (AAK), Arif Ahmetxhekaj, ka reaguar pas deklaratave të ministres Donika Gërvalla, e cila kishte sulmuar me fjalë liderin e AAK-së, Ramush Haradinaj, shkruan Gazeta Projekti.
Në reagimin e tij publik, Ahmetxhekaj e ka mbrojtur figurën e Haradinajt duke theksuar rolin e tij historik dhe vlerat që ai përfaqëson.
“Ramush Haradinaj, për ty ka folur nëna Ajshe, flasin shqiptarët dhe do të flasë historia. Aspak të rëndësishme dhe befasuese janë llafet e skutave. Pse, a ke pritur që Serbia me argatë nga Kosova të ta dijë për nder që e ke çliruar Kosovën, a?” ka deklaruar Ahmetxhekaj në rrjetin e tij, Facebook.
Ky reagim pason kritikat e Gërvallës, të cilat kanë shkaktuar debat të gjerë politik në Kosovë, duke thënë se do ta largojmë Haradinajn nga Kuvendi.
Ahmetxhekaj ka vënë theksin te respekti që Haradinaj gëzon në mesin e shqiptarëve dhe rëndësinë e tij në historinë e Kosovës, duke nënkuptuar se kundërshtarët e tij politikë po përpiqen ta zhvlerësojnë këtë figurë.
Kujtojmë se Arif Ahmetxhekaj është pjesë e garës elektorale ku në listën e AAK-së garon me nr 75.
