Nënkryetari i Lidhjes Demokratike të Kosovës (LDK), Agim Veliu ka komentuar deklaratën e ushtruesit të detyrës së kryetarit të PDK-së, Enver Hoxhaj, i cili ka thënë se ky subjekt politik nuk i jep vota askujt tjetër që vjen nga partitë në pushtet.
Veliu, në një prononcim për GazetaBlic se të gjitha çështjet do të diskutohen në forumin e kësaj parite, për çka siç ka thënë ai, dalin me vendime.
“LDK-ja çdo situatë që krijohet e diskuton në forum edhe pas vendimit në forum deklarohet”, ka thënë Veliu.
Veliu nuk ka dashur të komentojë se a pritet që kjo parti t’i japë dritën e gjelbërt Partisë Demokratike e Kosovës që posti i presidenti t’i takojë kësaj të fundit.
“Nuk kam se çka të shtojë në lidhje me këtë”, ka thënë Veliu, kur është pyetur se a do ta pranojë këtë “kusht” LDK-ja.
Ndërkohë, UD. i Kryetarit të PDK-së, Enver Hoxhaj ka thënë se ky subjekt politik nuk i jep vota askujt tjetër që vjen nga partitë në pushtet.
Hoxhaj, në një konferencë për media të mërkurën ka thënë se PDK-ja mbetet në opozitë, por do të përfshihet në temën e zgjedhjes së presidentit të ri.
“Që ta kuptoni drejt qasjen tonë. PDK-ja është në opozitë, mbetet në opozitë, por janë 4-5 tema të cilat janë të karakterit nacional, ku kërkohet konsensus nacional. Një temë e tillë është edhe kjo pakoja e rimëkëmbjes ekonomike. Një temë e dytë është edhe zgjedhja e presidentit… Presidenti është president edhe i opozitës dhe i gjithë qytetarëve të Kosovës”, tha Hoxhaj.
“Por në atë rast kur kërkohen votat e PDK-së, edhe kandidati duhet të jetë i Partisë Demokartike të Kosovës”, ka theksuar ai.
Ndryshe, për postin e presidentit nuk janë duke lëshuar pe as nga partia e AAK-së.
