I dërguari i Bashkimit Evropian për dialogun Kosovë-Serbi, Mirosllav Lajçak ka komentuar takimin e djeshëm në mes të palës kosovare dhe asaj serbe në Bruksel
“Diskutimet politike të kësaj jave në nivel të ekspertëve mbi personat e zhdukur dhe personat e zhvendosur ishin produktive dhe konstruktive. Mezi presim raundin tjetër të bisedimeve të ekspertëve të Dialogut Beograd-Prishtinë së shpejti”, shkruan ai në Twitter.
Të enjten në kryeqyendrën evropiane u mbajt takimi në mes të koordinatorit të Kosovës për dialogun, Skender Hyseni dhe drejtorit të të ashtuquajturës Zyre Serbe për Kosovën, Marko Gjuriq me emisarin e BE-së, Mirosllav Lajçak.
Temë e këtij takimi ishin të zhdukurit dhe të zhvendosurit.
