Kryetari i Prishtinës, Shpend Ahmeti ka njoftuar se situata me COVID-19 mbetet edhe më tej e rënduar.

Prishtina është qyteti me më së shumti raste aktive me koronavirus në Kosovë.

Aktualisht sipas të dhënave zyrtare të IKSHPK-së, në kryeqytet janë 1 mijë e 118 raste aktive me koronavirus, shkruan lajmi.net.

Duke e parë këtë situatë, i pari i Prishtinës, Shpend Ahmeti, ka bërë të ditur se situata me pandeminë COVID-19 është ende e rënduar.

Përmes një postimi në profilin e tij zyrtar në rrjetin social Facebook, Ahmeti ka kërkuar nga qytetarët që të vazhdojnë t’i mbajnë maskat dhe t’iu përmbahen të gjitha rekomandimeve të institucioneve shëndetësore.

Postimi i plotë i Ahmetit, pa ndërhyrje:

Mirëmengjesi Prishtinë!

Ju urojmë një javë të mbarë e të bukur. Situata me #covid19 mbetet edhe më tej e rënduar, andaj ju lusim shumë që të vazhdojmë me kujdes të shtuar, në mënyrë që të parandalojmë përhapjen e mëtutjeshme të virusit.

Sepse vetëm #bashkë mund të e tejkalojmë këtë sfidë!

Vazhdoni t’i mbani maskat, dezinfektoni duart dhe mbani distancë!

#prishtina 💙

#shpiPRkrejt 🏡.