Pak minuta më parë është gjetur një bombë, afër shkollës së Mjekësisë, gjegjësisht afër rrethit te Flamuri, shkruan Gazeta Observer.
Këtë e ka konfirmuar për Gazetën Observer, Daut Hoxha, nga Policia e Kosovës.
Më tej, ai ka njoftuar se me të marr lajmin menjëherë janë njoftuar njësitet policore dhe kanë shkuar në vendin e ngjarjes.
“Policia ka pranuar informatën pak më parë se te rrethi i Flamurit ne Prishtine afër shkollës ‘Ali Sokoli’ gjendet një mjet i dyshimtë.
Menjëherë njësitet policore kane shkuar në atë lokacion, kanë bërë sigurimin e lokacionit dhe janë njoftuar edhe njësitet tjera kompetente policore që merren me raste te tilla. Për informacione tjera do te njoftoheni me kohë”, ka njoftuar Hoxha.
