Në qytetin e Gjilanit një person i moshës 26 vjeç i cili po drejtonte një motoçikletë ka humbur jetën në një aksident ku është përfshirë edhe një automjet.
Lidhur me këtë rast nga Policia e Gjilanit është arrestuar një person i dyshuar për fotografim të pa-autorizuar, shkruan Reporteri.net.
Personi i arrestuar dyshohet se pas një aksidenti me fatalitet që ka ndodhur gjatë ditës së djeshme në Gjilan ka filmuar dhe transmetuar direkt në rrjete sociale gjithë ngjarjen.
“Është arrestuar i dyshuari mashkull kosovar pasi që i njëjti ka bërë video-incizim dhe postuar direkt përmes rrjeteve sociale, gjendjen e rëndë të një personi i cili ka pësuar aksident trafiku. Me vendim të prokurorit i dyshuari është dërguar në mbajtje”, thuhet në njoftimin e Policisë.
