Agjencia turke e lajmeve Anadolu Agency, versioni në gjuhën shqipe, ka njoftuar se presidenti turk, Recep Tayyip Erdogan, përsëri ka folur për operacionin e arrestimit dhe deportimit të gjashtë shtetasve turq, njofton Klan Kosova.
Ai ka falënderuar presidentin e Kosovës, Hashim Thaçin, derisa është treguar përsëri kritik në raport me kryeministrin, Ramush Haradinaj.
“Operacioni i fundit në Kosovë nuk është as i pari, nuk do të jetë as i fundit. Prej këtu e falënderoj presidentin e Kosovës. Por kryeministrit i them ‘turp’”, ka deklaruar Erdogan.
“Sepse largimi nga detyra i kreut të inteligjencës, ministrit të Brendshëm, të cilët na i dhanë anëtarët e organizatës terroriste FETO, është një gabim historik. Sepse ato e bënë detyrën e tyre”, raporton Anadolu Agency.
“Është miku, vëllai ynë kushdo që shkollat e FETO-s ia dorëzon Fondacionit turk Maarif, kush mbyll strehët e tyre të së keqes me pamjen e institucioneve të shoqërisë civile dhe kush i largon agjentët e tij nën pamjen e biznesmenit”, është shprehur Erdogan.
