Ministri i Punëve të Brendshme Flamur Sefaj ka bërë një ftesë interesante, shkruan portali arbresh.info.
Ai e ka ftuar drejtorin e të ashtuquajturës Zyra për Kosovën, Marko Gjuriq që të bëhet banor i Mitrovicës dhe të jetojë bashkë me ata të cilët po u mban leksione sesi të jetojnë në vendin tonë.
“Mirë do të kishte qenë që ai të bëhet banor dhe ta ketë adresën në veri diku në Mitrovicë dhe të jetojë çdo ditë me ata të cilëve u mban leksione se si duhet të jetojnë në Kosovë, por në të njëjtën kohë duhet ta dorëzojë shtetësinë e Serbisë dhe ta lë punën atje për të cilën paguhet”, është shprehur për arbresh.info ministri Sefaj.
Ministri ka shprehur madje edhe gatishmërinë që ta pajisë atë me leje qëndrimi.
