Gjithnjë pretendohet se është gjinia më e dobët, por një studimi i ri do të mbyllë gojët e këqija që thonë diçka të tillë.
Sipas këtij hulumtimi ushtarët femra mund të durojnë ushtrime të rënda sikurse meshkujt, në mos më mirë.
Studimi gjeti që gratë janë të pajisura më mirë për të duruar stresin ekstrem.
Numri i grave që shërbejnë në ushtrinë e Norvegjisë është rritur vazhdimisht që kur është prezantuar detyrimi për gratë në vitin 2015, megjithatë çuditërisht ekziston një hulumtim i vogël lidhur me atë se si burrat dhe gratë përballen me vështirësitë e të qenit ushtar.
Studimet kanë treguar për shumë kohë se ka dallime të mëdha individuale në mënyrën se si ushtarët reagojnë ndaj tendosjes së madhe që ata i duron gjatë luftës dhe operacioneve ushtarake. Humbja e masës së muskujve, reduktimi i performancës fizike dhe ndryshimet hormonale janë të gjitha reagimet e zakonshme. Tani një studim i ri nga Instituti Norvegjez i Kërkimeve të Mbrojtjes (FFI) është përpjekur të shohë se si gjinitë e ndryshme përballen me jetën ushtarake.
“Studimet e mëparshme në terren janë pothuajse ekskluzivisht të kryera në ushtarët meshkuj”, tha FFI në një deklaratë. “Rritja e përqindjes së grave në Forcat e Armatosura na ka dhënë mundësinë për të fituar më shumë njohuri për pasojat e ekstremeve ushtarake edhe për gratë”.
Studimi përfshiu 23 meshkuj dhe 12 femra nga Komanda Speciale e Forcave të Armatosura. Ata u nënshtruan një javë të testimit fizik të kërkuar, pas të cilave u konstatua se burrat dogjën një shifër alarmante pre 2.7kg të masës së muskujve derisa gratë dogjën vetëm yndyrë, njoftoi transmetuesi norvegjez NRK.
“Gratë kanë djegie më të mirë të yndyrës gjatë aktivitetit. Kjo mund të jetë një avantazh gjatë ushtrimeve ose operacioneve afatgjata”, tha studiuesi i FFI Hilde Teien. Gratë gjithashtu u gjet se e marrin veten më shpejt.
Ndërsa studimi përfshinte një numër shumë të vogël të pjesëmarrësve, Teien tha se është një lajm i mirë për këdo që dëshiron më shumë gra në forcat e armatosura.
