Anëtari i lëvizjes Vetëvendosje nga Tirana, Elvis Hoxha, ka thënë se fëmijëve në shkolla duhet mësuar se si Hashim Thaçi, Kadri Veseli, Isa Mustafa, Ramush Haradinaj janë emra tradhëtarësh.
Ai ka folur kështu në një emision te “Fox News” në Tiranë, pas ratifikimit të Marrëveshjes për Demarkacionin me Malin e Zi.
“Në librat e historisë, fëmijëve në shkollë duhet t’i mësojmë jo vetëm emrat e dëshmorëve dhe Rilindasve, por edhe emrat e tradhtarëve, emrat si Hashim Thaçi, Kadri Veseli, Isa Mustafa, Ramush Haradinaj, deri te këta emrat e vegjël, vogëlsirat e vogla si Donika Kadaj e Dardan Sejdiu që i thotë ‘Urime Donika’ që do shkosh ti ta japësh votën Pro Demarkacionit… Deri te këta emra duhet t’i mësojmë”, ka thënë ai.
