Dje në lagjen “Tophane” konkretisht në rrugën “Lidhja e Prizrenit” ka pasur të shtënash armësh ku një person ka mbetur i plagosur.
Sipas policisë, viktima është dërguar për trajtim në QKUK dhe është jashtë rrezikut për jetë, transmeton lajmi.net.
“Rr. Lidhja e Prizrenit, Prishtinë, 20.03.2018-15:23. Viktima mashkull K/Shqiptar pas një mosmarrëveshje, është plagosur me armë zjarri nga dy të dyshuar meshkuj, të cilët gjenden në arrati. Viktima është dërguar për tretman mjekësor në QKUK dhe është jashtë rrezikut për jetë. Si dëshmi materiale, në vend të ngjarjes janë gjetur dhe konfiskuar disa gëzhoja. Njësit policore janë duke hetuar rastin”, thuhet në raportin e policisë.
