Vjosa Osmani, kandidatja për kryeministre nga radhët e LDK-së, sot ka qëndruar në Klinë. Ajo, së bashku me deputetët e kësaj partie, Armend Zemaj, Arben Gashin e shumë të tjerê, është mirëpritur nga shumë qytetar, shkruan gazetaprojekti.
“Demokristianët janë rikthyer natyrshëm në LDK – adresën e vetme të besimit të qytetarëve të Kosovës. Këtë besim qytetar LDK synon ta kthejë në besim për jetësim të shtetit tonë” Kanë qenë disa nga fjalët e Osmanit, drejtuar të pranishmëve.
Kam ardhur në Klinë e lumtur ta shohë bashkëveprimin mes demokracisë qytetare, të përfaqësuar nga LDK-ja dhe kristiandemokracisë, të përfaqësuar nga PSHDK-ja.
Klina, në momentet më vendimtare, në vitet e mobilizimit të madh të viteve ’90, ka ditur të rreshtohet pas presidentit historik, dr. Rugovës. Sot, si në vitet ’90, na duhet rimobilizim nacional për ta rimëkëmbur shtetin e Kosovës. Pas 20 vjetësh zvarritjeje e keqpërdorimesh, ka ardhur koha që me guxim intelektual e besim në bashkëveprimin me qytetarët, republikën t’ua kthejmë qytetarëve, atyre që nuk rreshtën së besuari në projektin tonë.
