Përdorimi i veturave zyrtare të institucioneve të Kosovës për nevoja personale po vazhdon nga zyrtarët e institucioneve publike
Lexues të Gazeta Metro kanë dërguar një fotografi ku shihet se në Rrugën e Kombit me veturën luksoze xhip ‘Dodge’ dhe me targa 3Z, një zyrtar i institucioneve publike është nisur për pushime.
Vetura luksoze me targa 3Z është fotografuar në dalje të autostradës ku ka marrë rrugën për Lezhë, drejtim ky që të shpien në bregdetin e Shëngjinit.
Gazeta Metro ka raportuar edhe dje gjatë tërë ditës për keqpërdorimin e veturave nga zyrtarët e papërgjegjshëm të institucioneve publike.
Ju mund të dërgoni foto në Facebook dhe për t’u bërë pjesë e raportimeve ‘Paguan populli’ kundër keqpërdorimit të veturave zyrtare.
