Kryetari i Lidhjes Demokratike të Kosovës, Avdullah Hoti, ka komentuar përplasjet e fundit në Mitrovicë dhe në një nëndegë në lagjen Mat në Prishtinë.
Hoti në një prononcim për Gazetën Projekti thotë se janë ngjarje të panevojshme dhe të papranueshme për LDK-në.
‘’Janë ngjarje të izoluara, por komplet të panevojshme dhe të papranueshme për LDK. Askush nuk mund të imponohet në struktura të LDK-së në forma të tilla. Ju kërkoj ndjesë të gjithë atyre aktivistëve dhe familjarëve që kanë ardhur në ato kuvende zgjedhore për të shprehur vullnetin e tyre për atë se kush duhet të udhëheq me strukturat e LDK-së’’, përfundon Hoti.
