Me një minutë heshtje për të rënët e grupit të Kumanovës në “lagjen e trimave”, ka filluar seanca gjyqësore në gjykatën e Apelit në Shkup, për rastin e Kumanovës.

Gjykimi ka filluar me atmosferë të dhunshme dhe me revoltë të theksuar nga ana e pjesëtarëve të Grupit të Kumanovës.

Ata nuk e lejuan gjykatësen të flet në gjuhën maqedonase.

Grupi i Kumanovës i është drejtuar në gjuhë maqedonase gjykatëses.

“Flisni shqip, këtu është Shqipëri, Ju jeni ardhacakë këtu, ka thënë kosovari Val Zeka, nga Grupi i Kumanovës, duke mos lejuar gjykatësen të flet. 

Ai u përkrahë edhe nga pjesëtarët e tjerë të grupit të Kumanovës.