Zyrtari i lartë i State Departamentit ka arritur në Aeroportin e Prishtinës. Aty ai po takon Presidentin Hahsim Thaci. Pas pak dy bashkëbiseduesit pritet të dalin në konferencë për media.
Ndihmës sekretari i Shtetit të SHBA-së për Çështje Evropiane dhe Evroaziatike, Ëess Mitchell, do të qëndrojë dy ditë në Kosovë. Përvec Thacit ai do të takojë edhe kryeministrin Ramush Haradinaj, si dhe me përfaqësues tjerë politikë dhe të shoqërisë civile.
Sipas një njoftimi të Ambasdës Amerikane ai me “këtë rast do të riafirmojë lidhjet e ngushta mes Kosovës dhe SHBA-së dhe do të inkurajojë Qeverinë e Kosovës që të bëjë përparim në dialogun me Serbinë, në forcimin e sundimit të ligjit, në ngritjen e rritjes ekonomike, dhe tejkalimin e sfidave rajonale në dobi të stabilitetit dhe integrimit perëndimor”
Ëess Mitchell mori postin e ndihmës sekretarit të Shtetit më 12 janar 2017 dhe ai është përgjegjës për marrëdhënie diplomatike me 50 vende në Evropë dhe Euroazi, NATO-n, BE-në dhe OSBE-në.
Është autor i shumë artikujve dhe raporteve mbi marrëdhëniet transatlantike dhe sigurinë ndërkombëtare.
