Fotoja e ish-presidentit të Shteteve të Bashkuara të Amerikës, Bill Clinton, është vendosur sot në një ndërtesë, që gjendet pikërisht afër sheshit që mban emrin e tij.
Siç vërehet edhe në pamjet më poshtë, sipër fotografisë ku shihet Clinton është vendosur flamuri i Kosovës, ndërkaq nën të, flamuri i SHBA’së.
Fotoja e ish-presidentit në ndërtesën në lagjën Dardania në kryeqytet, u hoq rreth një javë më parë.
Arsyeja e heqjes së fotografisë së Clinton’it ishte vjetërsia e saj, pasi kanë kaluar shumë vite që nga vendosja e saj dhe pothuajse ishte fshirë e tëra.
Ndryshe, fotografia e Clinton qëndron në këtë ndërtesë që nga perurimi i shtatorës së tij, në vitin 2009./gazetametro.net
