Presidenti i Serbisë, Aleksandar Vuçiq ka përsëritur thirrjen për heqje të taksës ndaj mallrave serbe në Kosovë.
Vuçiq ka qenë mysafir në emisionin e mëngjesit në “TV Pink” ku ka folur për temat aktuale përfshirë presionin ndaj tij, zgjedhjet si dhe vendimet e tij për përmirësimin e standardit të jetës së serbëve, transmeton lajmi.net.
Duke folur për taksën ndaj mallrave serbe, ai ka thënë se pret heqjen e saj në mënyrë që palët të kthehen në bisedime. “Pres heqjen e taksës që të kthehemi në bisedime”, deklaroi Vuçiq.
Ai po ashtu theksoi prioritet i tij është edhe mënyra e jetesës së serbëve në Kosovë. “Për mua është e rëndësishme mënyra e jetesës së serbëve në Kosovë”, u shpreh ai.
