E vërteta e përgjithëshme është se në Kosovë nuk ekziston diçka e madhe e mirë e cila ka ndodhur në këtë dhjetëvjeçar të pavarësisë dhe me të cilën do të mund të krenohemi. Por, në krejt këtë zymtësi, jo zhvillim ekonomik, kulturor etj, askush nuk mund ta mohoj se nuk ka pasur përparime qofshin ato minimale, dhe se këtu është zhvillu jeta. Edhe ne si pjesa tjetër e botës kemi përjetu dromca lumturie, por edhe hidhërime si të gjithë të tjerët. Por se ne jemi një popull që kemi tendencë që çdo gjë ta shohim zi kjo po ashtu është shumë e vërtetë.
Edhe lumturia e festimi në dhjetë vjetorinë e pavaërsisë na zgjatën shumë pak. Edhe adhurimi dhe admirimi për këngëtarën e përmasave botërore Rita Ora u kufizuan në veshjen e saj. Disa duke e admiruar për ngjyrat e përzgjedhura kuq e zi por një shumicë e përsekutoj për siq thonin “cullakhone”. Pati edhe krahasime në mes të veshjes së këngëtarës Ora në koncertin e dhjetëvjetorit të pavarsisë së Kosovës dhe njëqind vjetorit të pavarsisë së Shqipërisë. As ajo veshje e saj nuk ishte korrekte, seq e kishte dekoltenë shumë të hapur. E papranueshme kjo për fanatikët e përbetuar.
Ishin pak prej tyre që u ekzaltuan me performancën e saj dhe festuan bashkë me të. Kishte edhe prej atyre që interesoheshin për ndryshimet që ka parë këngëtarja menjëherë sapo shkeli Kosovën! A thua çfarë përgjigje prisnin? Mbase ka parë një “zhvillim të madh”. Rita, ne të detyrojmë të thuash atë që duam të dëgjojmë. Mirë që nuk të detyruam edhe të martohesh. Pse jo? Një rrugë e dy punë.
Por që Rita bëri bujë dhe për të u shkrua gjithandej kjo nuk mund të mohohet. Ardhja e saj la në hije përpjekjet për organizim festiv të institucioneve kryesore të vendit. Por mirë që nuk u mor kush me ta, me fjalimet gjysmë profesionale të tyre dhe me organizime që të lenin përshtypjen se janë bërë në minutat e fundit pavarësisht shpenzimeve të konsiderueshme për të shënuar këtë datë të rëndësishme.
Edhe pse veprimet tona mbarë popullore kryesisht amatoreske në këtë 10 vjeqarë, duhet të jenë shqetësuese por jo deri në atë pikë sa të shohim vetëm zi, ta kemi kaq jetëshkurtër lumturinë dhe të mos e shijojmë fare momentin. Por pa shqetësime njerëz, çikat edhe më tej do të na e zbardhin fytyrën ashtu siq po ndodh çdo ditë.
