![Memli Krasniqi japë detaje për takimin e grupit parlamentarë të PDK-së](https://gazetaprojekti.com/wp-content/uploads/2018/09/BCC89399-ED94-4B20-8FAF-595EFAB58698.jpeg)
Nënkryetari i Partisë Demokratike të Kosovës, Memli Krasniqi, e ka konfirmuar se sot është mbledhur Grupi Parlamentar i Partisë Demokratike të Kosovës.
Në një prononcim për Gazetën Express, Krasniqi ka thënë se është një mbledhje përgatitore për seancën e thirrur nga opozita me 4 shtator, rreth temës së dialogut me Serbinë.
“ Është një mbeldhje përgatitore për seancën e javës së ardhshme”, ka thënë Krasniqi për Gazetën Express.
Në këtë mbeldhje thuhet të ketë marë pjesë edhe kreu i PDK-së, Kadri Veseli.
Kreu i PDK-së sa i përket thirrjes së kësaj seance, ka akuzuar opozitën se po e inskeonon një lojë për ndarjen e Kosovës.
“Thirrja e seancës është dëmi më i madh që i shkaktohet Kosovës. Është inskenim i lojës për ndarje. PDK-ja konsideron se ngritja e kësaj teme do ta dëmtojë Kosovën në procesin e dialogut, duke krijuar argumente në favor të eksponentëve që dëshirojnë ndarjen e Kosovës”, kishte thënë Veseli.