Deçani mirëpriti këtë fundjavë edicionin e radhës të Festivalit Mbarëkombëtar të Folklorit “Eshkë e ndezur mbi Shkëlzen”, një aktivitet që tashmë është bërë simbol i trashëgimisë sonë kulturore dhe bashkimit përmes këngës e lahutës.
Në këtë ngjarje të veçantë u prezantuan shumë grupe rapsodësh nga të gjitha trojet shqiptare, të cilët sollën para publikut vlerat më të çmuara të folklorit dhe muzikës burimore shqiptare.
Ndër më të dalluarit e festivalit ishin rapsodët Fatmir Miroci, Gazmend Avdyli dhe Edi Ahnetaj, të cilët u vlerësuan me mirënjohje në kategorinë “Grupi më i mirë i rapsodëve”, si një shenjë respekti për talentin dhe përkushtimin e tyre në ruajtjen dhe promovimin e këngës epike.
Festivali “Eshkë e ndezur mbi Shkëlzen” vazhdon të jetë një nga ngjarjet më të rëndësishme kulturore që ruan e ringjall frymën e traditës shqiptare në zemër të Dukagjinit.
