Mesditën e së dielës pesë persona janë arrestuar në Viti, pasi të njëjti për shkak të një kontesti pronësor janë përleshur me dy persona tjerë, shkruan Gazeta Projekti.
Madje njëri nga të dyshuarit, sipas policisë ka shtënë tri herë me armë për toke.
Të dyshuarit janë dërguar në mbajtje.
Njoftimi:
LËNDIM TRUPOR /ARMËMBAJTJE PA LEJE
Fsh. Bellancë, Viti 11.05.2025 – 14:10. Janë arrestuar pesë të dyshuar meshkuj kosovarë, për arsye se për shkak të një kontesti pronësor janë përleshur me dy viktima meshkuj kosovarë. Gjatë incidentit njëri prej të dyshuarve ka shtënë tri herë në drejtim të tokës me pistoletë. Njësia policore në vendin e ngjarjes ka gjetur dhe sekuestruar një pistoletë, tre fishekë, tri gëzhoja dhe dy predha. Në konsultim me prokurorin të dyshuarit janë dërguar në mbajtje.
