Shqipëria ka qenë një nga destinacionet më të nxehta vitet e fundit dhe nuk ka asnjë arsye të mendohet se do të humbasë shkëlqimin së shpejti. Kjo është një ndër vendet më të bukura të Ballkanit, me plazhe mahnitëse me ujëra kristal të pastër (madje, një prej tyre është shpallur së fundmi si më bluja në botë), qytete të trashëgimisë së UNESCO-s me rrugica magjepsëse dhe tunele nëntokësore, si dhe mundësi fantastike për ecje në Alpet Shqiptare (Malet e Mallkuara), dhe shumë më tepër.

Shumica e udhëtarëve vizitojnë Shqipërinë gjatë sezonit të lartë të verës (qershor – gusht), kur plazhet janë më të ngrohta dhe malet pa dëborë. Ky është një moment i mirë për ta vizituar vendin, por duhet të jeni të përgatitur për turma dhe çmime të larta.

Idealja është të udhëtoni në Shqipëri gjatë sezonit të ndërmjetëm – maj ose tetor – kur ka më pak njerëz dhe temperaturat janë më të buta. Megjithatë, duhet pasur parasysh se maji nuk është ideal për not në det, pasi uji është ende i ftohtë.

Jashtë qyteteve të mëdha dhe zonave bregdetare, shumica e strukturave turistike në Shqipëri mbyllen gjatë dimrit (dhjetor – mars). Industria e turizmit nis të gjallërohet përsëri pas festës së pranverës së bektashinjve, Dita e Nevruzit, më 22 mars. Nëse udhëtoni në dimër, qëndroni në kryeqytetin Tiranë ose në qytetin verior të Shkodrës, i cili organizon një karnaval dimëror.

Planifikoni udhëtimin tuaj në Shqipëri gjatë gjithë vitit me këtë udhëzues sezonal.

Qershor – Shtator: Sezoni i lartë për plazh dhe festivale

Riviera Shqiptare në jug të vendit është quajtur edhe “Maldive e Europës” – një krahasim që ndonëse i ekzagjeruar, ka kuptim kur sheh ujërat e kaltër të qytetit të Ksamilit dhe rrethinës së tij. Pritshmëritë dhe fama e Shqipërisë në vitet e fundit kanë sjellë mbipopullim në plazhe, ku çadrat dhe shezllonet zënë thuajse çdo hapësirë.

Për të shmangur turmat, merrni me qira një makinë dhe bëni plazh në vende më të qeta si Borshi dhe Plazhi i Gjipeut. Mund të merrni gjithashtu një tur me varkë nga Himara drejt plazheve të izoluara, ku mund të jeni vetëm ju dhe deti. Ose ndiqni tingujt e muzikës në Dhërmi gjatë festivalit të muzikës Kala në qershor. Nëse prisni deri në shtator, do të përfitoni temperaturat më të mira në bregdet me më pak turma, shkruan shqiptarja.

Në Shqipërinë e brendshme ka më pak vizitorë gjatë gjithë vitit, por mungesa e freskisë së detit mund të shkaktojë nxehtësi ekstreme në korrik dhe gusht, me temperatura që shpesh kalojnë 30°C. Në Alpet Shqiptare është më freskët, me temperatura mesatare që variojnë nga 17°C në 22°C në verë.

Nëse preferoni destinacione të pazakonta dhe dëshironi të ndërveproni me vendasit, një alternativë interesante është qyteti i Pogradecit, i cili organizon Festivalin Ballkanik të Filmit dhe Ushqimit në fund të qershorit ose në fillim të korrikut.

Vizitoni Shqipërinë në Maj ose Tetor për klimë të butë dhe më pak turma

Të vizitosh çdo vend gjatë sezonit të ndërmjetëm është gjithmonë ide e mirë – më pak njerëz, mot i butë dhe çmime më të arsyeshme. E vetmja pengesë janë mundësitë për ditë me shi, sidomos në pranverë.

Sezoni i ndërmjetëm është veçanërisht ideal në Shqipëri. Në maj, plazhet e Rivierës Shqiptare janë më të lira dhe më të qeta, edhe pse uji mund të jetë pak i ftohtë për disa vizitorë (në Ksamil temperaturat mesatare variojnë nga 16°C në 22°C). Maj është gjithashtu kohë e mirë për ecje në mal, por kujdes pasi në disa vende dëbora mund të mos jetë shkrirë deri në fund të muajit.

Vjeshta (tetor dhe nëntor) është gjithashtu një periudhë e shkëlqyer për të vizituar Shqipërinë, sidomos për të shijuar ngjyrat e gjetheve në Parkun Kombëtar të Thethit. Vjeshta është ideale për të vizituar qytetet me kalldrëm të UNESCO-s si Gjirokastra dhe Berati, që nuk janë më aq përvëluese si në verë.

Ngrohuni në dimër (dhjetor – mars) në baret moderne të Tiranës dhe karnavalin e Shkodrës

Shumë prej strukturave turistike në Shqipëri mbyllen gjatë dimrit, por edhe sezoni i ulët ofron kënaqësi. Nëse fluturoni drejt Tiranës, vizitoni lagjen e famshme të Bllokut dhe shijoni një koktej në Radio Bar. Ose provoni disa lloje të rakisë në ambientin origjinal të Komitetit – një bar me dekore të veçanta tradicionale. Dimri është gjithashtu një kohë e mirë për të vizituar muzeun interesant “Shtëpia me Gjethe”, që dokumenton historinë e spiunazhit gjatë diktaturës së Enver Hoxhës.

Kuzhina shqiptare, me mishra të pjekur dhe byrekë të shijshëm, është perfekte në çdo stinë, por veçanërisht në ditët e ftohta. Provoni gatimet më të mira tradicionale si qofte dhe tavë kosi në restorantet e njohura të Tiranës si Era dhe Oda Garden.

Nëse guxoni të përballoni të ftohtin në veri të vendit, vizitoni qytetin studentor të Shkodrës. Në shkurt, qyteti organizon karnavalin e gjallë me maska dhe parada rrugore.

Shijoni verën shqiptare nga tetori deri në dhjetor

Shqipëria po shfaqet gjithnjë e më shumë si një destinacion i ri i verës, me një histori të hershme të prodhimit të saj. Provoni varietete të veçanta si Kallmeti, Sheshi, Debina, Vranaci dhe Vloshi në zonat pjellore rreth qytetit të Beratit. Një nga kantinat më të njohura është Kantina Çobo, e rrethuar nga një kopsht i bukur – kërkoni një tur në bodrumin e verës.

Adhuruesit e verës duhet të planifikojnë udhëtimin nga fundi i shtatorit deri në mes të tetorit për të përjetuar vjeljen e rrushit, ose në dhjetor kur qyteti i vogël i Pogradecit organizon Festivalin e Verës dhe Gështenjave.

Ngrohuni gjatë dimrit (dhjetor – mars) në baret moderne të Tiranës dhe karnavalin e Shkodrës

Gjatë dimrit, shumë prej akomodimeve dhe përvojave turistike në Shqipëri mbyllen, por edhe sezoni i ulët ofron kënaqësi të veçanta. Nëse udhëtoni drejt kryeqytetit Tiranë, shkoni në lagjen trendi të Bllokut dhe ngroheni me një koktej në Radio Bar. Ose provoni një set rakish me shije të ndryshme, në një ambient me dekor eklektik te Komiteti. Dimri është gjithashtu një kohë e mirë për të vizituar muzeun interesant “Shtëpia me Gjethe”, që dokumenton historinë e spiunazhit gjatë diktaturës paranojake të Enver Hoxhës.

Kuzhina shqiptare, e veçuar nga mishrat e pjekur dhe brumërat e thërrmueshme, është e shijshme në çdo stinë, por merr një shije të veçantë kur jashtë është ftohtë. Provoni gatimet më të mira vendase si qofte dhe tavë kosi (mish qengji apo pule i pjekur me kos), në restorante të njohura të Tiranës si Era dhe Oda Garden.

Nëse mund t’i përballoni temperaturat e ulëta në veri të Shqipërisë, vizitoni qytetin studentor të Shkodrës. Në muajin shkurt, qyteti organizon karnavalin e gjallë, me performues të maskuar dhe parada rrugore./living.al/