Lidhje Demokratike e Kosovës ka bërë të ditur se po mban punëtori dy ditore për mobilizimin e zgjdhjeve parlamentare të 9 shkurtit.

Abdixhiku bashkë me nënkryetarët e partisë që ai drejton, si dhe kryetarët e degëve të LDK-së në Kosovës kanë diskutuar rreth çështjeve organizative për zgjedhjet, caktimin dhe përcaktimin e vëzhguesve, komisionerëve dhe orarit të takimeve nëpër terren gjithandej Kosovës.

Në njoftim thuhet se

Postimi:

Lidhja Demokratike e Kosovës po mban punëtori dy ditore, me të gjithë kryetarët e degëve të saj nëpër Kosovë, për mobilizimin e tërësishëm lidhur me zgjedhjet parlamentare të 9 shkurtit.

Këto dy ditë, kryetari Lumir Abdixhiku me nënkryetarët e LDK-së dhe kryetarët e degëve të saj në Kosovë, po diskutojnë rreth çështjeve organizative, caktimin e shtabeve elektorale, përcaktimin e vëzhguesve, komisionerëve dhe orarit të takimeve nëpër teren gjithandej Kosovës, duke filluar nga tash dhe për të vazhduar tutje deri në fushatë.

Seriozitetin e paraprirjes për garën e ardhshme elektorale shumë muaj më herët, e tregon ky nivel i organizimit i Lidhjes Demokratike të Kosovës, i cili është edhe reflektim i unitetit tonë partiak. E po ashtu edhe hartimi i programit politik ‘Rruga e Re’ që nga nëntori i vitit të kaluar. Ku pas tij, organizimi ynë struktural bëhet ngjarja më e rëndësishme partiake.

I tillë siç ka nisur, ai do të përcillet në nivel nacional tek 887 nëndegët tona në Kosovë e në Mërgatë nga tani deri në fushatë.

Lidhja po vjen e organizuar, e reformuar, e unifikuar dhe e gatshme për betejën përpara.

Prandaj, ‘Rrugën e Re’ le ta bëjmë bashkë