Artistja shqiptare me renome ndërkombëtare, Rita Ora, ka mahnitur publikun baltik me një performancë magjike në festivalin e madh “As Young As Vilnius” në Lituani.

Në këtë ngjarje të jashtëzakonshme, ajo ishte artistja kryesore e mbrëmjes, duke sjellë energji dhe pasion të veçantë përpara mijëra spektatorëve në kryeqytetin lituanez.

Performanca e Rita Orës ishte një kulminacion i vërtetë i festivalit, ku ajo u ngjit në skenë dhe ndezi atmosferën me energjinë dhe hitet e saj të njohura, duke krijuar një moment të paharrueshëm për të gjithë të pranishmit.

Publiku, pavarësisht nga shiu i rrëmbyeshëm që ra gjatë natës, ishte i mahnitur dhe entuziast për performancën e saj, duke e bërë këtë ngjarje të veçantë dhe të paharrueshme.

Këngëtarja e lindur në Kosovë, ka ndarë disa fotografi nga kjo ngjarje në llogarinë e saj zyrtare në Instagram, ku ka shprehur mirënjohjen e saj për fansat e saj baltikë. Ajo ka falënderuar ata për atmosferën dhe mikpritjen e ngrohtë që i ofruan gjatë qëndrimit të saj në Lituani.

Në mbishkrimin e fotografive, ajo ka shkruar: “Lituani ma more mendjen! 50 mijë njerëz, në shiun e rrëmbyeshëm, vlerësoj secilin prej jush dhe ju sollët energjinë. Shumë e lumtur që arrita të kryesoj festivalin As Young As Vilnius, një nder absolut”.

Me këtë performancë, Rita Ora ka vazhduar të konfirmojë statusin e saj si një nga artistet më të kërkuara dhe të dashura në skenën ndërkombëtare, duke lënë një mbresë të thellë te të gjithë ata që kishin fatin ta përjetonin performancën e saj të jashtëzakonshme. /Telegrafi/