Me 11 Shtator, 2001 mbërrita në punë, diku rreth 8:15. Punoja për një konsultues inxhinjero-arkitektonik. Zyrat i kishim në 16 Rrugë, Union Square. Deri sa isha në zyrë para kompjuterit një kolegë u fut brenda dhe më tha se një aeroplan i kishte ra ndërtesës në Qendrën Tregtare. Dolëm para ndertesës nga ku shihej qartazi ndërtesa e tymosur, me një gropë diku rreth katit 70. Të gjithe mendonin se ishte fatkeqësi ajrore. Tue bisedue me njerëz, isha me sy në të, kur papritmas plasi flaka pas eksplodimit në ndërtesën tjetër. Avionin që i ra ndërtesës nuk e pashë, sepse sulmi erdhi nga jugu, e unë isha në anën tjetër. Atëherë u kuptua se çka po ndodhte. Por kujt i shkonte mendja se do to shëmbeshin. Pastaj ndodhi rrenimi e njënës, e pastaj kullës tjetër. Nuk mund t’a përshkruaj pamjen e fyturave të njerzëve që shiqonin aty ky para 10 minutash ishin dy kulla 105 katesh. Pamja në fotografi është egzakt atë e pashë me sy. Kurse diku pas një viti, kompania për të cilën punoja ishte në grupin inxhenjeriko-teknik që bënin studimet në vendngjarje kështu që kisha lejen të futesha brenda hapsirës ku ruhej nga policia, ushtria dhe sherbimet sekrete (në foto me një kolegë nga Widlinger Associates). Ngjarje që kurr nuk harrohet
