16 mjete lundruese që nuk zbatuan rregullat janë bllokuar nga kontrollet në vijën bregdetare nga Shëngjini në Kavajë.

Konkretisht në Shëngjin, Spille dhe në Durrës, janë bllokuar 11 Jet Ski, 1 gomone dhe 4 skafe. 2 nga drejtuesit e këtyre mjeteve lundruese u ndëshkuan secili me masat 100 mijë lekë të rinj dhe 10 mijë lekë të rinj, për lundrim në zonë të ndaluar dhe për mungesë dokumentacioni.

3 drejtues u ndëshkuan me nga 100 mijë lekë të rinj, për lundrim dhe bregëzim në zonë të ndaluar; 7 drejtues u ndëshkuan me nga 10 mijë lekë të rinj, për mungesë dokumentacioni në bord; 3 drejtues u ndëshkuan me nga 20 mijë lekë të rinj dhe 1 drejtues u ndëshkua me 80 mijë lekë të rinj, për disa shkelje të kryera njëkohësisht.