Reshje shiu, dhe ulje të temperaturave si në vise të ulëta dhe ato malore po e karakterizon motin mëngjesin e sotëm në Kosovë.

Mirëpo, në viset malore temperaturat pësuan ulje të ndjeshme duke u favorizuar edhe me reshje të borës.

Sipas disa fotografive të siguruara në faqen MeteoBallkan, reshje të dendura bore pati në Prevallë dhe Dragash, ku u krijuan edhe shtresa bore.

Mirëpo, nga Instituti Hidrometeorologjik i Kosovës bën të ditur se sot do të mbajë mot i vranët dhe me riga shiu.

IHK njofton se në fushat termike parashihet të ketë rënie në të dy vlerat ekstreme.

Gjatë kësaj periudhe të parashikimit do të fryjë erë e lehtë dhe lokalisht e fortë nga drejtimi i juglindjes dhe veriperëndimit.