Deputetja e Kuvendit të Kosovës nga radhët e Lidhjes Demokratike të Kosovës, Teuta Rugova, nuk e ka respektuar vendimin e partisë në lidhje me ‘turin lobues’ në Europë të kryesuar nga kryeparlamentari Kadri Veseli.
Në një reagim ndaj “turit lobues” për liberalizimin e vizave, grupi parlamentar i LDK-së tha se nuk do t’i bashkohet kësaj nisme të kryesuar nga Veseli.
Madje, LDK e quajti “tur lobues – turistik” të kryetarit të Kuvendit.
Tutje, Lidhja Demokratike vlerësoi se liberalizimi i vizave nuk sigurohet përmes veprimeve të tilla.
“Për informim të opinionit, Grupi Parlamentar i LDK-së nuk ka pranuar asnjë shkresë zyrtare nga Kryetari i Kuvendit lidhur me qëllimet e këtij udhëtimi, agjendë të takimeve dhe detale të tjera të rëndësishme për të planifikuar si duhet këtë vizite zyrtare”, thuhet në njoftimin e LDK-së.
