Ministria e Mbrojtjes e Ukrainës duket se u tall pak me Rusinë të premten pasdite, pasi luftanija ruse, “Moskva”, u fundos.

Në një postim të kësaj ministrie në Twitter thuhet: “Ministria e Mbrojtjes e Ukrainës ua kujton forcave detare ruse se ngushticat e Detit të Zi janë të mbyllura vetëm për hyrje. Pjesa e flotës suaj që mbetet mbi ujë ende ka rrugëdalje.”

Rusia e ka konfirmuar fundosjen e luftanijes së rëndësishme të saj, pasi tha se ajo është dëmtuar rëndë nga një zjarr. Ukraina thotë se zjarri ka qenë rezultat i një sulmi me raketë “Neptune” nga forcat e saj.