I dërguari i posaçëm i BE-së për dialogun Kosovë-Serbi, Miroslav Lajçak ka mbledhur edhe sot ekipet negociatore të Prishtinës e Beogradit.
Përmes një shkrimi në Tëitter, Lajçak ka informuar se grupet punuese edhe sot kanë negociuar për çështjen e targave.
Lajçak ka ripërsëritur se Kosova e Serbia janë përgjegjëse për të rënë dakord për ndonjë marrëveshje eventuale.
“Ekspertët e Kosovës dhe Serbisë janë takuar sot në Bruksel për takimin e 7-të grupeve punuese për targat. Me afrimin e afatit, është urgjente të arrihet një kompromis për të përmirësuar lirinë e lëvizjes në rajon. Është përgjegjësi e të dyja palëve të bien dakord për një zgjidhje”, shkroi Lajcak.
