Shumë prej nesh kurrë nuk morëm një bisedë seksuale nga prindërit, gjë që e bën procesin e bisedës me fëmijët edhe më të vështirë, sepse nuk kemi një model se si duhet të shkojnë gjërat. Mos lejoni që ajo pasiguri t’ju mbajë prapa. E vërteta është se nuk ka një mënyrë “korrekte” për t’i mësuar fëmijët tuaj për seksin.

Nëse mendoni se biseda rreth seksit duhet të shtyhet sa më shumë, e keni gabim! Kjo bisedë e sikletshme për disa prindër, duhet të realizohet herët, kur fëmijët janë ende të vegjël.

Shumica e prindërve “tmerrohen” nga pyetja e fëmijëve “Si kanë ardhur ata në jetë”. Mirëpo, kjo pyetje kërkon përgjigje nga fëmijët tuaj.