Lidhja Demokratike e Kosovës do të mbajë një takim në orën 16:00, ku kreu në dorëheqje i partisë, Isa Mustafa, do të takojë kryetarët e Degëve.
Këtë e ka konfirmuar për Reporteri.net Sokol Haliti, kryetar i Degës së LDK-së në Viti.
“Po, për ora 16:00 kemi marrë ftesë për një takim kryetarët e degëve, por unë nuk mund të marrë sot pjesë për shkak se kam një takim”, ka thënë Haliti për Reporteri.net.
Mbledhjen e ka thirrur kryetari në dorëheqje i LDK-së, Isa Mustafa.
Kujtojmë se më 14 mars, 355 delegatë nga 38 degë të LDK-së nga të gjitha komunat do të mblidhen për ta dhënë votën e tyre. Atë ditë zyrtarisht do të dihet zyrtarisht kush janë kandidatët për kryetar.
Sipas statutit të LDK-së secili prej zyrtarëve që dëshiron të kandidojë për kryetar të partisë duhet të marrë 50% plus një të votave të delegatëve.
