Noizy po shënon sukses me këngën e fundit.
Rep-artisti Noizy është shumë i angazhuar në profesion, teksa së fundi ka punuar këngë edhe me artistë të huaj, shkruan lajmi.net.
Ai së fundi ka publikuar bashkëpunimin “Naughty Naughty” me Predz UK, Swarmz dhe Simba.
Kjo këngë po pritet shumë mirë nga ana e publikut, duke numëruar shumë klikime dhe po dëgjohet shumë edhe jashtë trojeve shqiptare.
Projekti po bën ‘namin’ edhe në Britani, ai është renditur së fundi i pari në top-listat britanike, duke lënë pas shumë hite të emrave të njohur.
Kujtojmë se Noizy numëron shumë hite në karrierën e tij, ndërsa nuk ndalet asnjëherë së punuari këngë të reja.
