Këngëtari i mirënjohur shqiptar, Shaqir Cervadiku, ka sjell projektin e tij muzikore dedikuar veprimtarit të njohur të çështjes shqiptare, heroit të Kosovës, Fadil Vata. Shkruan Gazeta Projekti
Teksti është shkruar nga Kadri Gërvalla ndërsa muzika dhe orkestrimin e ka bërë Burim Krasniqi. Tematika e kësaj kënge paqyron realitetin e heroit të madh, duke e kujtuar në vargjet melodike për rolin sublim që kishte gjatë jetës së tij Fadil Vata. Kujtojmë se kënga është realizuar më herët ndërsa videoklipi lansohet sot pë nder të 28 nëntorit, videoklip i punuar me mjeshtri nga produksioni “Publico”.
Ndryshe, Fadil Vata ka lindur më 10 janar 1962 në fshatin Sallagrazhdë të Therandës dhe rrjedh nga një familje atdhetare. Ai, i takon brezit të parë që nisi luften për lirinë dhe pavarësinë e Kosovës, së bashku me Afrim Zhitinë dhe Fahri Fazliun. Fadil Vata ka qenë i burgosur politikë nga pushteti Jugosllavë ku nga keqëtrajtimet e fituara në burg, ka fituar një sëmundje të rëndë dhe nga kjo sëmundje me Më 25 prill të vitit 1990 ai mbylli sytë përgjithmonë duke na lënë amanetin që rrugën e lirisë mos ta lëshojmë, se ajo ditë do të vinte për bashkëkombësit e tij. Ai mban titullin “Hero i Kosovës”./Gazeta Projekti/
