Ndërsa SHBA mbetet në vendin e parë krahasuar me vendet e tjera për sa i përket shumicës së rasteve të infeksioneve dhe vdekjeve, një ekip shkencëtarësh gjetën diçka unike.
Në metropolin Hjuston, rasti i parë i COVID-19 u raportua më 5 mars dhe pas një jave, virusi filloi të përhapet brenda komunitetit. Më vonë një studim tha se lloji i SARS-CoV-2 që përmban një mutacion të veçantë – G614 – shkaktoi 71 për qind të rasteve në Hjuston në fazën e hershme të shpërthimit, shkruan “KosovaPress”.
Tani, i njëjti ekip studiuesish zbuloi se deri në verë, kur SHBA vuri u prek nga vala e dytë e koronavirusit dhe pretendimi i zhdukjes së virusit nga Donald Trump dështoi, varianti përbënte 99.9 për qind të të gjitha infeksioneve në zonë, transmeton lajmi.net
Mutacioni SARS-CoV-2 i cili është përhapur në të gjithë botën rezulton në zëvendësimin e një aminoacidi – janë mbledhur në një sekuencë të veçantë në varësi të planit gjenetik të virusit – për një tjetër në një pozicion të veçantë në proteinë thumb të virusit.
Mutacioni zëvendësoi një aminoacid – aspartat – me një tjetër që lejon patogjenin të depërtojë në qelizat e tij pritëse, ndërsa zëvendësimi duket se bën një rrugë të lehtë për pushtimin e virusit.
Në studimin e mëparshëm, shkencëtarët shpjeguan se viruset që përmbajnë këtë mutacion janë më infektive në kulturën qelizore që rritet në mjedisin e kontrolluar, siç janë laboratorët.
Por në studimin e ri, botuar në revistën mBio, ekipi i ekspertëve nga Spitali Houston Methodist në Teksas gjetën prova që tregojnë se njerëzit me këtë variant kishin më shumë grimca të virusit brenda traktit të sipërm të frymëmarrjes sesa ata variantet tjera.
