Një person ka vdekur në fshatin Bërnicë të Prishtinës, të mërkurën në mbrëmje, në një shtyllë elektrike.
Siç njofton policia, personi kishte mbetur për një kohë në shtyllën elektrike, ndërsa pasi është zbritur në tokë është konstatuar se është pa shenja jete.
Këtë e ka konfirmuar për lajmi.net zëdhënësi i Policisë për Rajonin e Prishtinës, Bajram Krasniqi, i cili tha se për rastin Policia ishte njoftuar rreth orës 19:30.
“Sot, më 16.09.2020, në ora 19:30, policia është njoftuar se në fshatin Bërnicë -Prishtinë, një person ka mbetur në një shtyllë elektrike. Janë njoftuar edhe ekipet emergjente mjekësore, KEDS-i dhe zjarrfikësit. Policia së bashku me ekipet tjera ende janë në vend-ngjarje. Para pak çaste, personi që kishte mbetur në shtyllë elektrike, në fshatin Bërnicë, është zbritur në tokë. Sipas ekipit mjekësor, ai është pa shenja jete”, ka thënë Bajrami.
