Thaçi: Po i themi lamtumirë njeriut më emblematik që nga periudha e Skënderbeut
Në ceremoninë komemorative që po mbahet për Adem Demaçin, Presidenti i Kosovës, Hashim Thaçi tha se kombi sot po ndahet fizikisht nga një kolos e bota nga Mendela i Evropës.
“Sot më 28 korrik populli shqiptar po ndahet fizikisht nga një kolos që u vetmohua gjithë jetën për komb. Bota po ndahet nga Mendela i Evropës”, tha Thaçi.
“Adem Demaçi ishte lufta e lavdishme e UÇK-së, pasi me qëndresën e tij u bë simbol i lirisë kombëtare. Shpirti i tij ishte më i fuqishëm se burgu jugosllavë dhe rrezatoi humanizëm”, tha presidenti Thaçi.
Ai tha se veprimtari Adem Demaçi me tërë qenien e tij jetoj për një qëllim, për çlirimin e Kosovës dhe botës shqiptare.
“Ai i flijoi 28 vite në burgjet jugosllave”, tha Presidenti.
“Sot i themi lamtumirë njeriut më emblematik që nga periudha e Skënderbeut”, përfundoi Presidenti.
Pas intonimit të himint të Kosovës dhe himnit të Shqipërisë, u mbajt një minutë heshtje për jetën dhe veprën e Adem Demacit.
Prezent në mbledhjen komemorative janë krerë të institucioneve të Kosovës dhe Shqipërisë
Presidenti i Kosovës, Hashim Thaçi, Kryeministri Ramush Haradianaj, Kreu i Kuvendit, Kadri Veseli, Presidenti shqiptar, Ilir Meta dhe Ali Ahmeti nga Maqedonia, si dhe përfaqësues politik nga Lugina e Preshevës.
