Tradita e qethjeve të deleve në Junik është e lashtë. Kjo ngjarje për banorët e kësaj zone është shndërruar në një festë tradicionale. Shkruan “Gazeta Projekti”.
Koha optimale për këtë ngjarje është zakonisht nga gjysma e korrikut deri në javën e parë të gushtit.
Këtë vit në Bjeshket e Junikut qethjen e deleve e ka organizuar Kadri Gaxherri nga Juniku.
Një ngjarje e cila u shënua me shumë mysafirë, të cilët ishin ftuar nga Kadri Gaxherri, u shoqërua me shumë muzikë që e përcjellen edhe tingujt e çiftelisë dhe tupanëve.
Riti i qethjes së deleve zhvillohet prej më shumë se një shekulli.
Kjo ditë festohet për begati, dhe që vitin e ardhshëm familjet të kenë më shumë dele e begati. // Gazeta Projekti //
