Real Madridi regjistroi fitore në miqësoren ndaj Manchester Unitedit, në kuadër të turneut para-sezonal në Shtetet e Bashkuara të Amerikës.

Ndeshja e zhvilluar në “NRG Stadium” përfundoi me rezultatin 2:0, shkruan Gazeta Express.

Dy përforcimet e verës të “Los Blancos”, Jude Bellingham dhe Joselu, ishin autorët e golave.

Trajneri Carlo Ancelotti është pyetur vazhdimisht nëse “Los Blancos” do të sillnin një sulmues të ri “nëntë” për të plotësuar skuadrën aktuale, teksa debati më i madh po vazhdon të jetë i lidhur me Kylian Mbappen.

Megjithatë, trajneri italian la të nënkuptohet se nuk do të ketë një transferim të tillë.

“Skuadra është e mirë, ne jemi të kompletuar”, tha Ancelotti pas ndeshjes ndaj “Djajve të Kuq” për “Relevo”.

“Për fat ne kemi një ekip pa ego. Kjo e bën më të lehtë kontrollin e dhomës së zhveshjes. Do të ishte problem nëse do të kisha një ekip pa cilësi”, deklaroi 64-vjeçari.