Sulmuesi i Kosovës, Albion Rrahmani është shpërblyer me çmimin “Lojtari më i mirë i huaj” në Rumani për sezonin 2023/24.
Atëkohë, Rrahmani ishte pjesë e Rapidit të Bukureshtit, për të cilin ishte ndër lojtarët kyç të skuadrës.
Për këtë nder të bërë, foli edhe Albion Rrahmani, përmes një postimi në rrjetin social “Facebook”.
Sulmuesi kosovar u tregua mirënjohës për fitimin e këtij çmimi.
Jam shumë i lumtur dhe i nderuar që jam votuar nga trajnerët dhe lojtarët si lojtari i huaj më i mirë për sezonin 2023/24, ky (event) i organizuar nga Afan Bucuresti. Një falënderim i veçantë shkon për ish-bashkëlojtarët, stafin e trajnerëve dhe për gjithkë që është pjesë e Rapidit, që më ndihmuan të kem një sezon të jashtëzakonshëm”, shkruhet në postimin e Rrahmanit.
