Presidenti i vendit Hashim Thaçi e vlerësoi si nder të jashtëzakonshëm pjesëmarrjen e Kosovës në Paris të Francës, në shënimin e 100 vjetorit të përfundimit të Luftës së Parë Botërorë.
“Duhet të kuptojmë se 100 vjet për një komb janë pak. Por, duke pasur parasysh rrethanat që kishim para një shekulli kur Shqipëria bëhej copë e Kosova as që ekzistonte në hartën politike evropiane, pjesëmarrja e Kosovës në këtë ceremoni të liderëve të botës është ngjarje madhore për afirmimin e shtetit të Kosovës dhe është ngjarje historike për qytetarët e Kosovës”.
Thaçi në Klan Kosova shprehu mirënjohjen për nderimin që i është për Kosovës në një organizim të këtij lloji.
Ai gjithashtu komentoi edhe renditjen në afërsi të liderëve botëror si Kancelarja gjermane Angela Merkel, presidenti francez Emanuel Macroon e presidenti i SHBA-ve Donald Trump.
“Ka qenë në autoritet të plotë të protokollit të shtetit francez, gjithmonë besoj të koordinuar me të tjerët. Renditja e përfaqësueseve të Kosovës në mesin e liderëve botëror është një nder i jashtëzakonshëm dhe vlerësim për shtetin e Kosovës, për shtetin më të ri të Evropës”.
Presidenti tha se përmes kësaj pjesëmarrje vendet mike të Kosovës kanë shprehur vlerësimin e tyre për përkushtimin e Kosovës për të ardhmen euroatlantike si dhe vlerësimin për investimet e tyre në Kosovë.
