Ambasadori kinez e “ngushëllon” Serbinë për Kosovën: Kina ka pritur 100 vjet ta kthejë Hong Kongun
Ambasadori i Kinës në Beograd, Li Mancheng thotë se zgjidhja e çështjes së Kosovës është më e rëndësishmja për Serbinë dhe integritetin territorial të saj dhe vlerëson se për zgjidhjen e një çështjeje aq të rëndësishme nuk duhet përckatuar afate kohore.
“Është thjesht mendimi im personal, nuk është zyrtar. Kur është fjala për çështjen e Kosovës, kjo ka të bëjë me sovranitetitin dhe integritetit territorial të Serbisë, kjo është çështja më e rëndësishme për një vend, qeverinë dhe popullin”, tha Li për RTS, përcjell Telegrafi.
Ai përmendi shembullin e Kinës, e cila ka pritur gati 100 vjet për të zgjidhur çështjen e Hong Kongut dhe Makaos. “Në Hong Kong ishin anglezët, kurse në Makao portugezët”, kujton Li.
Ai tha se Kina sot është një nga pesë anëtarët e përhershëm të Këshillit të Sigurimit dhe ende nuk e ka zgjidhur problemin e saj, çështjen e Tajvanit.
“Për një çështje të tillë të madhe, askush nuk duhet lejuar të zgjidhet brenda pak muajsh. Normalisht, nëse Beogradi dhe Prishtina bien dakord për 10 ditë, unë e mbështes, përshëndes “, tha Li. /Telegrafi/
